يعنى اية مثقف

بص يا سيدى ، هو ااخيرا الواحد وصل لنمطين اتنين من الناس المثقفة "بينهم تقدر تحط التدريج الثقافى"
الاول :الى هو بيقول كلمات لغاندى ،وحافظ شعر للمتنبى ،وبيسمع ام كلثوم ،وده ينتمى للالفية اللى فاتت،غالبا ما بيكرر كلمة "ارتقوا فالقاع مزدحم" ،رغم انه بيحاول
يتطور عادى ويسمع افلام جديدة غربية عميقة ،واغانى اندرجروند وبتاع ،
النوع التانى :اللى قرر ان الصورة اللى فاتت ، او النمط الاول مش هيناسبة ،يعنى ممكن تلاقية بيسمع شعبى من قبيل الاتصال بالفئات المتدنية باعتبارها الاساس الاجتماعى ،بيعترف بخواصة البيولوجية اكتر وبيعرضها على الملى"بمعنى اخر مفضوح" ، بيتخطى فكرة غاندى والمتنبى ،وبيميل للتجديد والمناسب للوقت اللى انت عايش فية
يمكن كلمة مثقف اصلا مش مناسبة للتعريف :يعنى اية اصلا مثقف ، يعنى بيحمل ثقافة مجتمعه ،وبس ،ولا دارى بشئون "اقتصاد سياسة ،دين، تكنولوجيا، تاريخ ،فلسفة.." ، ولا المثقف هو اللى بيطلع على اكتر من ثقافة فبيشوف ثقافتة من برا .
طبعا يكفى اننا نقول ان الثقافة غير محدوده لانها فى بحر العلم الانهائى ،وان المثقف يجب ان يشعر بانه لسة قدامه كتير ، بس برده لازم تواجه نفسك بحقيقة انك قارى وعارف وفاهم ،، لان احيانا التواضع بيبقى اوسخ ستين سبعين مره من التكبر .